20 лютага, Мінск /Кар. БЕЛТА/. Рабочая паездка міністра замежных спраў Беларусі Уладзіміра Макея ў Расійскую Федэрацыю адбудзецца 21-22 лютага, паведамілі БЕЛТА ў прэс-службе МЗС Беларусі.
"Асноўнай тэмай паездкі з'яўляецца павышэнне эфектыўнасці ўдзелу Беларусі ў інтэграцыйных структурах, штаб-кватэры якіх размешчаны ў Маскве", - праінфармавалі ў знешнепалітычным ведамстве.
Уладзімір Макей правядзе рабочую сустрэчу з міністрам замежных спраў Расійскай Федэрацыі Сяргеем Лаўровым, у час якой будуць абмеркаваны актуальныя пытанні двухбаковага парадку дня, узаемадзеянне на міжнароднай арэне і ў міжнародных арганізацыях, а таксама падрыхтоўка да святкавання 25-годдзя ўстанаўлення дыпламатычных адносін паміж Беларуссю і Расіяй.-0-
