Мабільная версія
ДЗЯРЖОРГАНЫ
Апошнія навіны
Усе навіны

Латвія вядзе падрыхтоўку да візіту Прэзідэнта Беларусі

Палітыка 19.07.2018 | 14:41
Фота з архіва
Фота з архіва

19 ліпеня, Мінск /Кар. БЕЛТА/. Міністр замежных спраў Латвіі Эдгарс Рынкевічс сёння ў Рызе па выніках перагавораў з міністрам замежных спраў Беларусі Уладзімірам Макеем паведаміў журналістам аб падрыхтоўцы візіту Прэзідэнта Беларусі Аляксандра Лукашэнкі, інфармуе БЕЛТА.

Паводле слоў міністра, адной з тэм перагавораў стала падрыхтоўка ўзаемных візітаў на вышэйшым узроўні. Ён нагадаў, што ў лютым Беларусь наведаў прэм'ер-міністр Латвіі Марыс Кучынскіс, які перадаў Прэзідэнту Беларусі Аляксандру Лукашэнку запрашэнне наведаць з візітам Латвію.

"Візіт падрыхтоўваецца доўгі час. Ён павінен быць вельмі насычаным. У нас ёсць камісіі, якія над гэтым працуюць", - сказаў Эдгарс Рынкевічс.

У сваю чаргу Уладзімір Макей адзначыў, што беларускі бок зацікаўлены правесці візіт на вышэйшым узроўні ў Латвію, аднак візіт дзеля візіту не самамэта. "Мы гаварылі, у якіх умовах гэты візіт магчымы, - дадаў міністр. - Важна рэзультатыўнасць гэтага візіту, яго субстантыўнае напаўненне. Таму мы будзем спакойна працаваць над падрыхтоўкай".

"Мы лічым, што гэта нармальна, калі ажыццяўляюцца такія мерапрыемствы паміж суседнімі краінамі, з якімі ўсталяваны дружалюбныя адносіны. Тым больш што, сапраўды, у нас і гандлёва-эканамічныя сувязі развіваюцца актыўна, і гуманітарнае супрацоўніцтва, і бізнес Латвіі актыўна дзейнічае ў Беларусі, і наш бізнес прысутнічае тут. Візіты такога ўзроўню заўсёды даюць новы імпульс у развіцці супрацоўніцтва", - звярнуў увагу беларускі дыпламат.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).