Мабільная версія
ДЗЯРЖОРГАНЫ
Апошнія навіны
Усе навіны

Купчына выбрана кіраўніком галоўнага палітычнага органа ЮНІДА

Палітыка 27.11.2017 | 14:34
Алена Купчына
Алена Купчына

27 лістапада, Вена /Кар. БЕЛТА/. Пасол Беларусі ў Аўстрыі, пастаянны прадстаўнік рэспублікі пры міжнародных арганізацыях у Вене Алена Купчына выбрана старшынёй 17-й сесіі Генеральнай канферэнцыі Арганізацыі Аб'яднаных Нацый па прамысловым развіцці (ЮНІДА). Работа сесіі пачалася сёння ў Венскім міжнародным цэнтры, перадае карэспандэнт БЕЛТА.

Алена Купчына будзе выконваць абавязкі старшыні да наступнай чарговай сесіі Генеральнай канферэнцыі ЮНІДА, якая адбудзецца ў 2019 годзе. Прадстаўнік Беларусі на пасаду кіраўніка сесіі галоўных палітычных органаў універсальных міжнародных арганізацый сістэмы ААН выбраны ўпершыню.

Генеральная канферэнцыя з'яўляецца вышэйшым органам ЮНІДА, які вызначае кіруючыя прынцыпы і палітыку арганізацыі на бліжэйшае двухгоддзе. Яна адабрае праграму работы, рэгулярны і аператыўны бюджэты, сочыць за эфектыўным выкарыстаннем фінансавых рэсурсаў ЮНІДА.

У 17-й Генеральнай канферэнцыі ўдзельнічае каля двухсот дэлегацый дзяржаў - членаў арганізацыі, устаноў сістэмы ААН, міжурадавых і няўрадавых арганізацый. У адкрыцці мерапрыемства прынялі ўдзел прэзідэнты Швейцарыі і Мальты, а таксама дзеючы старшыня Генеральнай асамблеі ААН Міраслаў Лайчак.

Цяперашняя генканферэнцыя праходзіць пад агульнай тэмай "Партнёрства для поспеху ў дасягненні мэт у галіне ўстойлівага развіцця". На працягу бягучага тыдня дыпламаты і эксперты падвядуць вынікі работы ЮНІДА ў 2016-2017 гадах, разгледзяць праграму дзейнасці арганізацыі на 2018-2021 гады. У час сесіі таксама будзе разгледжаны ініцыіраваны Беларуссю праект рэзалюцыі па ўстойлівым прамысловым развіцці краін з сярэднім узроўнем даходу.

Беларусь на працягу апошніх гадоў актыўна ўзаемадзейнічае з ЮНІДА практычна па ўсім спектры дзейнасці арганізацыі. Цяпер ЮНІДА рэалізуе ў рэспубліцы праекты тэхнічнай дапамогі на агульную суму каля $2 млн. У якасці перспектыўных напрамкаў супрацоўніцтва разглядаюцца пытанні энергаэфектыўнасці і экалагічнай бяспекі ў прамысловасці.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.