20 ліпеня, Мінск /Кар. БЕЛТА/. Намеснік міністра замежных спраў Беларусі Алег Краўчанка ў час рабочага візіту ў Брусель (Бельгія) правёў сустрэчу з генеральным сакратаром Еўрапейскай службы знешніх дзеянняў ЕС Хельгай Шмід, паведамілі БЕЛТА ў прэс-службе МЗС.
У прыватнасці, адбыўся абмен думкамі аб стане і перспектывах развіцця адносін паміж Беларуссю і Еўрапейскім саюзам.
Акрамя таго, прайшлі перагаворы з начальнікам аддзела Арменіі, Азербайджана, Беларусі і "Усходняга партнёрства" Генеральнага дырэктарата па пытаннях суседства і пашырэння ЕС Васілісам Марагосам. Бакі абмеркавалі перспектывы развіцця прыкладнога галіновага супрацоўніцтва паміж Беларуссю і ЕС.
Кіраўнік беларускай дэлегацыі таксама правёў сустрэчу з дырэктарам даследчай праграмы "Вялікая Еўропа" Еўрапейскага савета па міжнародных адносінах Фрэдрыкам Веслау, на якой ішла размова пра беларуска-еўрапейскія адносіны і сітуацыі ў рэгіёне ў цэлым.
Плануецца, што 20 ліпеня беларуская дэлегацыя прыме ўдзел у чарговым раўндзе дыялогу па правах чалавека паміж Беларуссю і ЕС.-0-
