27 мая, Масква /Эдуард Півавар - БЕЛТА/. Краіны АДКБ дамовіліся падпісаць пагадненне аб процідзеянні новым крымінальным выклікам, паведаміў БЕЛТА па выніках праведзенай у Ерэване нарады кіруючага складу органаў унутраных спраў дзяржаў - членаў АДКБ прэс-сакратар АДКБ Уладзімір Зайнетдзінаў.
"Дасягнута дамоўленасць аб падрыхтоўцы і падпісанні пагаднення аб сумесным процідзеянні новым крымінальным выклікам, якія пагражаюць калектыўнай бяспецы дзяржаў - членаў АДКБ. У іх ліку тэрарызм, міжнародная злачыннасць, нарказлачыннасць, гандаль людзьмі, масавыя беспарадкі", - адзначыў прэс-сакратар.
На нарадзе былі таксама абмеркаваны пытанні, якія датычацца супрацоўніцтва дзяржаў - членаў АДКБ у пытаннях падрыхтоўкі кадраў для органаў унутраных спраў, выпрацоўкі механізмаў узаемадзеяння паміж праваахоўнымі органамі і спецыяльнымі службамі, павышэння ўзроўню падрыхтоўкі падраздзяленняў Калектыўных сіл аператыўнага рэагавання і Міратворчых сіл АДКБ.
У мерапрыемстве прынялі ўдзел генеральны сакратар АДКБ Мікалай Бардзюжа, начальнік паліцыі Арменіі Уладзімір Гаспаран, намеснік міністра ўнутраных спраў Беларусі - камандуючы ўнутранымі войскамі Юрый Караеў, намеснік міністра ўнутраных спраў Казахстана Ерлан Тургумбаеў, намеснік міністра ўнутраных спраў Кыргызстана Курсан Асанаў, статс-сакратар - намеснік міністра ўнутраных спраў Расіі Ігар Зубаў.-0-
