23 лютага, Мінск /Святлана Саўко - БЕЛТА/. Старшыня ЦВК Лідзія Ярмошына, адказваючы на пытанні журналістаў, пракаменціравала перспектывы змянення выбарчага заканадаўства Беларусі, перадае карэспандэнт БЕЛТА.
Рашэнне будзе прымацца суб'ектам заканадаўчай ініцыятывы, гэта значыць кіраўніком дзяржавы або парламентам. "Цалкам магчыма, што будзе. Пэўныя прапановы ёсць", - сказала Лідзія Ярмошына.
На гэты момант ЦВК не мае намеру распрацоўваць ніякіх метадычных растлумачэнняў для выбаркамаў. "Трэба паглядзець, куды мы рухаемся, ці будзе дадзена заданне па змяненні выбарчага заканадаўства", - адзначыла старшыня Цэнтрвыбаркама.
Лідзія Ярмошына сумняваецца, што наступныя мясцовыя выбары, якія адбудуцца праз чатыры гады, пройдуць па тых жа правілах. "За гэты перыяд змяненні ў закон будуць абавязкова ўнесены", - лічыць кіраўнік ЦВК.-0-
