13 ліпеня, Мінск /Кар. БЕЛТА/. Першы намеснік міністра замежных спраў Беларусі Андрэй Еўдачэнка прыняў дэлегацыю федэральнай зямлі Баварыя (ФРГ), якая знаходзіцца ў Беларусі з рабочым візітам. Аб гэтым БЕЛТА паведамілі ў прэс-службе МЗС Беларусі.
"Бакі абмеркавалі стан і перспектывы далейшага развіцця беларуска-германскага супрацоўніцтва ў сферах гандлю і інвестыцый. Асаблівая ўвага была ўдзелена прымаемым мерам па павышэнні інвестыцыйнай прывабнасці Рэспублікі Беларусь, тэматыцы Еўразійскага эканамічнага саюза, перагавораў з ЕС і СГА", - адзначылі ў МЗС.
Візіт арганізаваны пры ўдзеле генеральнага консульства Беларусі ў Мюнхене. У склад дэлегацыі ўвайшлі прадстаўнікі Дзяржаўнага міністэрства эканомікі, энергетыкі і тэхналогій Баварыі, Прамыслова-гандлёвай палаты Мюнхена і Верхняй Баварыі, Баварскага зямельнага банка. У сустрэчы таксама прыняў удзел пасол ФРГ у Беларусі Петэр Дэтмар.
Праграмай візіту баварскай дэлегацыі таксама прадугледжаны сустрэчы ў ААТ "Банк развіцця Рэспублікі Беларусь", БелГПП, наведванне індустрыяльнага парка "Вялікі камень" і шэрага прадпрыемстваў.-0-