27 кастрычніка, Мінск /Юлія Дылянок - БЕЛТА/. Еўрапейскі камісар па Еўрапейскай палітыцы суседства і перагавораў аб пашырэнні ЕС Ёханес Хан заявіў аб гатоўнасці пачаць экспертную работу па фарміраванні асноўных элементаў усёабдымнага пагаднення аб узаемадзеянні Беларусі і Еўрапейскага саюза. Аб гэтым ішла размова на перагаворах з прэм'ер-міністрам Беларусі Андрэем Кабяковым у Люксембургу, перадае карэспандэнт БЕЛТА.
Акрамя таго, былі закрануты пытанні ўзаемадзеяння Беларусі з Міжнародным валютным фондам, у тым ліку, якую дапамогу еўрапейскія інстытуты маглі б аказаць у развіцці гэтых перагавораў.
Ёханес Хан выказаў гатоўнасць ад імя Еўрасаюза аказваць садзейнічанне Беларусі ў правядзенні эканамічных пераўтварэнняў і стварэнні новых рабочых месц.
Гаворачы пра падрыхтоўку да саміту "Усходняга партнёрства", еўракамісар падкрэсліў, што Беларусь сёння з'яўляецца адзінай з шасці стабільнай дзяржавай, на тэрыторыі якой няма ніводнага канфлікту. І гэта вельмі высока цэняць у ЕС.-0-
