Мабільная версія
ДЗЯРЖОРГАНЫ
Апошнія навіны
Усе навіны

Хачатураў: АДКБ павінна больш актыўна прысутнічаць пры прыняцці рашэнняў у міжнародных арганізацыях

Палітыка 17.07.2017 | 13:31
Юрый Хачатураў
Юрый Хачатураў

17 ліпеня, Мінск /Уладзімір Мацвееў - БЕЛТА/. АДКБ павінна больш актыўна прысутнічаць у дыскусіях і пры прыняцці рашэнняў у міжнародных арганізацыях. Аб гэтым заявіў генеральны сакратар Арганізацыі Дагавора аб калектыўнай бяспецы (АДКБ) Юрый Хачатураў у Мінску на сустрэчы Прэзідэнта Беларусі Аляксандра Лукашэнкі з міністрамі замежных спраў дзяржаў - членаў АДКБ, перадае карэспандэнт БЕЛТА.

"Па перыметры зоны адказнасці АДКБ, і ў Цэнтральнаазіяцкім, і ў Каўказскім, і ў Еўрапейскім рэгіёнах, захоўваюцца небяспечныя канфліктныя ачагі, што закранаюць інтарэсы дзяржаў - членаў АДКБ, якія патэнцыяльна могуць уплываць на калектыўную бяспеку, здольны справакаваць непрадказальнае па ўсіх наступствах развіццё сітуацыі, - сказаў Юрый Хачатураў. - Асаблівае хваляванне выклікае і тое, што маніпуляцыі вакол рэгіянальных канфліктаў і нарошчванне ваеннай актыўнасці ў Еўропе, ваенныя прыгатаванні, якія вядуцца там, і насычэнне зброяй, ваеннай тэхнікай могуць прывесці да парушэння стратэгічнага балансу, што ўжо і адбываецца, дэградацыі той сістэмы міждзяржаўных адносін, якая ўтрымлівала свет ад хаосу і сусветных войнаў".

Генеральны сакратар АДКБ падкрэсліў, што ў гэтых умовах вялікае значэнне набывае вырашэнне задачы далейшага ўдасканалення механізма знешнепалітычнага супрацоўніцтва дзяржаў - членаў Арганізацыі, эфектыўная імплементацыя ўсіх прымаемых у гэтай галіне рашэнняў. "Сцяг АДКБ, на наш погляд, павінен больш актыўна прысутнічаць у ходзе дыскусій і прыняцця рашэнняў у міжнародных арганізацыях. Час патрабуе ад нас грунтоўнай размовы аб тым, як дзяржавы - члены АДКБ і наша Арганізацыя ў цэлым могуць умацаваць і пашырыць патэнцыял не толькі сумеснага рэагавання на падзеі, што адбываюцца ў свеце, але і ўкаранення і выкарыстання метадаў прэвентыўнай дыпламатыі, выбудоўвання партнёрскіх узаемаадносін для папярэджання развіцця негатыўных і небяспечных тэндэнцый у міжнароднай сітуацыі", - адзначыў Юрый Хачатураў.

Ён выказаў меркаванне, што адным з рэзерваў з'яўляецца павышэнне ролі старшынства ў АДКБ як у плане каардынацыі і належнай рэалізацыі прымаемых рашэнняў, так і ў плане ініцыятыўнага руху наперад у кантэксце прыярытэтаў старшынства той ці іншай дзяржавы - члена АДКБ. Далейшых намаганняў таксама патрабуе рэалізацыя рашэнняў па фарміраванні сістэмы крызіснага рэагавання АДКБ.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.