18 мая, Мінск /Кар. БЕЛТА/. Выбары Прэзідэнта Баліварыянскай Рэспублікі Венесуэла пройдуць 20 мая. Венесуэльскія грамадзяне, якія пражываюць у Беларусі, змогуць аддаць свой голас на выбарчым участку, адкрытым у пасольстве Венесуэлы ў Мінску. Аб гэтым БЕЛТА паведамілі ў венесуэльскім дыппрадстаўніцтве.
Аддаць свой голас венесуэльскія грамадзяне змогуць з 6.00 да 18.00 па мясцовым часе без перапынку.
Як паведамляе ТАСС, прэзідэнцкая выбарчая кампанія ў краіне пачалася 22 красавіка. На вышэйшую дзяржаўную пасаду акрамя дзеючага кіраўніка дзяржавы Нікаласа Мадуры прэтэндуюць прадстаўнік руху "Надзея на змены" Хаўер Бертучы, Рэйнальда Кіхада ад "Народнага палітычнага адзінства" і лідар апазіцыйнай партыі "Прагрэсіўны авангард" Энры Фалькон.
Згодна з рэзультатамі апытанняў грамадскай думкі, Нікалас Мадура значна апярэджвае канкурэнтаў па прэзідэнцкай гонцы.-0-
