4 верасня, Мінск /Кар. БЕЛТА/. Беларусь падтрымлівае мэты Сеткі маладых лідараў еўраатлантычнай бяспекі, якія заключаюцца ў выпрацоўцы свежых ідэй для ўмацавання дыялогу і ўзаемаразумення ў рэгіёне. Аб гэтым заявіў намеснік міністра замежных спраў Алег Краўчанка сёння на адкрыцці пленарнай сесіі ў Мінску, перадае карэспандэнт БЕЛТА.
Намеснік міністра з задавальненнем адзначыў, што ў беларускай сталіцы сабраліся прадстаўнікі розных дзяржаў, каб вылучыць і абмеркаваць свежыя ідэі для ўмацавання еўраатлантычнай бяспекі, узмацнення дыялогу і ўзаемаразумення паміж краінамі рэгіёна.
Алег Краўчанка нагадаў, што Мінск стаў месцам для дыялогу па найбольш важных пытаннях міжнароднага парадку дня. Так, у беларускай сталіцы збіраецца трохбаковая кантактная група па ўрэгуляванні сітуацыі на ўсходзе Украіны. Намеснік міністра падкрэсліў, што, прадастаўляючы пляцоўку для ўдзельнікаў перагавораў, Беларусь імкнецца ўнесці свой уклад у хутчэйшае вырашэнне ўкраінскага канфлікту.
Прадстаўнік МЗС адзначыў таксама, што ў Мінску рэгулярна збіраюцца замежныя аналітыкі для абмеркавання важных тэм міжнароднай палітыкі, эканамічнай бяспекі і гэтак далей. Такія сустрэчы праводзяцца экспертнай ініцыятывай "Мінскі дыялог".-0-