20 верасня, Мінск /Кар. БЕЛТА/. Перспектывы ўмацавання сувязей па лініі Беларусь-ЕС абмеркавалі ў час сустрэчы Надзвычайны і Паўнамоцны Пасол Беларусі ў Каралеўстве Швецыя Дзмітрый Мірончык і першы намеснік міністра замежных спраў Швецыі Аніка Сёдэр, паведамілі БЕЛТА ў прэс-службе МЗС.
"Бакі абмеркавалі ўвесь спектр двухбаковых адносін, уключаючы палітычнае супрацоўніцтва, развіццё гандлёва-эканамічнага ўзаемадзеяння і мерапрыемствы, накіраваныя на яго нарошчванне, тэхнічную дапамогу і адукацыйныя праекты. Дыпламаты акцэнтавалі ўвагу на рэгіянальнай сітуацыі і перспектывах умацавання сувязей па лініі Беларусь-ЕС. Былі таксама разгледжаны пытанні праваахоўнай сферы. Шведскаму боку прадстаўлена падрабязная інфармацыя аб развіцці беларускай эканомікі", - расказалі ў прэс-службе.
Кіраўнік беларускай дыпмісіі таксама акцэнтаваў увагу шведскага боку на насычаным графіку міжнародных мерапрыемстваў, якія пройдуць у Мінску ў кастрычніку-лістападзе.-0-