17 мая, Масква /Эдуард Півавар - БЕЛТА/. Графік беларуска-егіпецкіх кантактаў на вышэйшым узроўні абмеркаваны сёння ў Маскве на сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Егіпта ў Беларусі з рэзідэнцыяй у расійскай сталіцы Іхабам Насрам. Аб гэтым БЕЛТА паведамілі ў прэс-службе беларускага дыппрадстаўніцтва.
"Бакі абмеркавалі актуальныя напрамкі актывізацыі беларуска-егіпецкага супрацоўніцтва, пытанні развіцця дагаворна-прававой базы, графік кантактаў на вышэйшым узроўні", - адзначылі ў прэс-службе.
Дыпламатычныя адносіны паміж Беларуссю і Егіптам устаноўлены 1 лютага 1992 года. Па выніках 2017 года тавараабарот паміж дзвюма краінамі склаў $97,4 млн, аб'ём беларускага экспарту - $76,1 млн.-0-
