28 мая, Мінск /Кар. БЕЛТА/. Перспектывы развіцця беларуска-кітайскіх адносін абмяркоўваюцца на сустрэчы прэм'ер-міністра Беларусі Андрэя Кабякова з намеснікам старшыні КНР Ван Цішанем перад афіцыйнымі перагаворамі ва ўрадзе ў пашыраным складзе, перадае карэспандэнт БЕЛТА.
"Мы многія пытанні паспелі ўжо абмеркаваць, але яшчэ ёсць аб чым пагаварыць. Разлічваем, што нашы перагаворы пройдуць у дружалюбнай і канструктыўнай атмасферы", - адзначыў Андрэй Кабякоў.
Ван Цішань выказаў упэўненасць, што сённяшнія перагаворы пройдуць плённа. Паводле яго слоў, дасягнутыя дамоўленасці абавязкова будуць рэалізаваны.
Намеснік старшыні Кітайскай Народнай Рэспублікі наведвае Беларусь з афіцыйным візітам 27-29 мая. Гэта першы замежны афіцыйны візіт Ван Цішаня на цяперашняй пасадзе.-0-