Сцяг Пятніца, 29 сакавіка 2024
Усе навіны
Усе навіны
Палітыка
26 ліпеня 2016, 16:54

Бузоўскі арыентаваў СМІ на безумоўнае выкананне прынцыпу прадастаўлення роўных магчымасцей кандыдатам у дэпутаты

26 ліпеня, Мінск /Кар. БЕЛТА/. Сродкі масавай інфармацыі розных форм уласнасці павінны прадастаўляць роўныя магчымасці кандыдатам, якія вылучаюцца ў дэпутаты Палаты прадстаўнікоў Нацыянальнага сходу. Аб гэтым заявіў намеснік кіраўніка Адміністрацыі Прэзідэнта Беларусі Ігар Бузоўскі ў час рабочай сустрэчы з кіраўнікамі вядучых СМІ, прадстаўнікамі органаў выканаўчай улады на базе Нацыянальнай дзяржаўнай тэлерадыёкампаніі, перадае карэспандэнт БЕЛТА.

"Кандыдатам у дэпутаты неабходна прадастаўляць усе магчымасці - і рабіць гэта прафесійна - для раскрыцця іх праграмных заяў, якія, я ўпэўнены, будуць якасна прапрацаваны і самімі кандыдатамі, і іх камандамі, - сказаў Ігар Бузоўскі. - І магчымасці гэтыя павінны быць роўнымі для кожнага кандыдата".

Адзначалася, што праводзіць перадвыбарную агітацыю, якая прадугледжвае ўзаемадзеянне са сродкамі масавай інфармацыі, кандыдаты ў дэпутаты могуць з 11 жніўня. Удзельнікі сустрэчы абмеркавалі, якім чынам будзе арганізавана выступленне кандыдатаў па тэлебачанні і радыё, дэбаты паміж імі. Таксама ўзнімалася пытанне спецыфікі публікацыі праграм дэпутатаў у друкаваных СМІ.

Ігар Бузоўскі заявіў, што ўсе сродкі масавай інфармацыі, нават людзі, якія называюць сябе незалежнымі, працуюць у інтэрнэце, павінны прытрымлівацца прынцыпу прадастаўлення роўных магчымасцей у час перадвыбарнай кампаніі. "А мы сёння бачым, як на асобных рэсурсах пачынаюць піярыць канкрэтных персон, і ў гэтым піяры відавочна праглядаецца перадвыбарная агітацыя", - падкрэсліў намеснік кіраўніка Адміністрацыі Прэзідэнта.

Ён выказаў упэўненасць, што СМІ, пляцоўкі якіх кандыдаты могуць выкарыстаць пры правядзенні агітацыйнай кампаніі, безумоўна выканаюць свае абавязацельствы і прадаставяць усім роўныя магчымасці.

Намеснік кіраўніка Адміністрацыі Прэзідэнта таксама звярнуў увагу, што ацэнка перадвыбарнай кампаніі наглядальнікамі залежыць у тым ліку ад таго, наколькі прафесійна сродкі масавай інфармацыі падыдуць да яе асвятлення і наколькі поўна і дэталёва яны будуць выконваць выбарчае заканадаўства Беларусі.-0-

Падпісвайцеся на нас у
Twitter
Топ-навіны
Свежыя навіны Беларусі