Мабільная версія
ДЗЯРЖОРГАНЫ
Апошнія навіны
Усе навіны

Беларуска-славацкі дыялог у апошнія гады стаў найбольш дынамічным - Дапкюнас

Палітыка 12.09.2018 | 09:20

12 верасня, Мінск /Аліна Грышкевіч - БЕЛТА/. Беларуска-славацкі палітычны і эканамічны дыялог за апошнія гады стаў найбольш дынамічным. Аб гэтым заявіў намеснік міністра замежных спраў Беларусі Андрэй Дапкюнас 12 верасня на мерапрыемстве, прысвечаным 74-й гадавіне Славацкага нацыянальнага паўстання і Дня Канстытуцыі Славацкай Рэспублікі, перадае карэспандэнт БЕЛТА.

Андрэй Дапкюнас падкрэсліў, што гэтыя даты з'яўляюцца знакавымі ў гісторыі не толькі Славакіі, але і Еўропы. "У Беларусі з глыбокай павагай ставяцца да гістарычнай памяці, у тым ліку аб Другой сусветнай вайне. Беларусь, мільёны грамадзян якой ахвяравалі жыццём дзеля сумеснай перамогі над нацызмам, добра разумеюць боль Славакіі за загінулых у час паўстання грамадзян краіны, - прадоўжыў ён. - Славацкае нацыянальнае паўстанне займае важнае месца ў ліку падзей, якія наблізілі агульную перамогу над фашызмам".

Намеснік міністра адзначыў, што Беларусь і Славакія даказалі сваё права на самавызначэнне. Стаўшы суверэннымі, яны асноўвалі свае канстытуцыі на прынцыпах гуманізму, сацыяльнай справядлівасці, мірнага суіснавання народаў, непарушнасці граніц і адмовы ад тэрытарыяльных прэтэнзій.

У бягучым годзе адзначаецца 25-годдзе ўстанаўлення дыпламатычных адносін паміж Беларуссю і Славакіяй. "На працягу апошніх некалькіх гадоў наша двухбаковае супрацоўніцтва развіваецца найбольш дынамічна, - канстатаваў Андрэй Дапкюнас. - Мы дасягнулі значнага прагрэсу ў развіцці палітычнага, эканамічнага, міжпарламенцкага, міжрэгіянальнага дыялогу. Штогод мы адкрываем новыя ўзаемныя інтарэсы, ажыццяўляем сумесныя праекты ў самых розных галінах".

Андрэй Дапкюнас выказаў упэўненасць, што цяперашні ўзровень двухбаковых адносін стане надзейным фундаментам для далейшага ўзаемадзеяння.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Спецыяльныя віды зімовай тэхнікі У адпаведнасці з даручэннем Прэзідэнта Беларусі ААТ "МТЗ" для падрыхтоўкі лыжаролерных трас выпусціла доследныя ўзоры ратрака ("Беларус МСУ-108"), снегаўшчыльнікавых машын ("Беларус МСУ-622"), лёдазалівачнай машыны ("Беларус МЛ-428").