Мабільная версія
ДЗЯРЖОРГАНЫ
Апошнія навіны
Усе навіны

Беларуска-расійскае пагадненне аб узаемным прызнанні віз плануецца падпісаць да канца года

Палітыка 19.06.2017 | 18:27

19 чэрвеня, Масква /Эдуард Півавар - БЕЛТА/. Беларуска-расійскае пагадненне аб узаемным прызнанні віз плануецца падпісаць да канца 2017 года. Гэта прадугледжана планам мерапрыемстваў на перыяд 2017-2020 гадоў па фарміраванні адзінай міграцыйнай прасторы Саюзнай дзяржавы, які быў зацверджаны 16 чэрвеня ў Санкт-Пецярбургу на пасяджэнні Савета Міністраў СД, паведамілі БЕЛТА ў Пастаянным камітэце саюзнай дзяржавы.

"Важнейшай тэмай плана стала адзіная візавая палітыка, у гэтай сферы ён прадугледжвае падрыхтоўку і падпісанне пагаднення аб узаемным прызнанні віз да канца 2017 года, - адзначылі ў Пастаянным камітэце. - Гэта дасць магчымасць зняць праблему перасячэння расійска-беларускай граніцы грамадзянамі трэціх краін, якая абвастрылася апошнім часам. Акрамя таго будуць вырашацца пытанні збліжэння працэдур і рэгламентаў выдачы віз, бакі прапрацуюць магчымасць увядзення адзінай візы Саюзнай дзяржавы".

У плане змешчаны як арганізацыйна-прававыя, так і арганізацыйна-практычныя мерапрыемствы: падрыхтоўка міжнародных дагавораў у сферы міграцыі, гарманізацыя заканадаўства па пытаннях міграцыйнай палітыкі, маніторынг заключаных дагавораў і пагадненняў, правядзенне сумесных аператыўна-прафілактычных мерапрыемстваў, арганізацыя рабочых сустрэч, інфармацыйнае ўзаемадзеянне і супрацоўніцтва ў сферы кадравага забеспячэння.

Планам прадугледжана распрацоўка праекта канцэпцыі міграцыйнай палітыкі Саюзнай дзяржавы і плана яе рэалізацыі на перыяд да 2025 года. "Такім чынам, план накіраваны на далейшае развіццё супрацоўніцтва ў сферы фарміравання адзінай міграцыйнай прасторы Саюзнай дзяржавы, вырашэнне новых задач, у тым ліку звязаных з фарміраваннем адзінай візавай прасторы", - падкрэслілі ў Пастаянным камітэце.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Мінск уваходзіць у топ-3 гарадоў СНД для падарожжаў Аналітычнае агенцтва "ТурСтат" склала рэйтынг самых папулярных гарадоў СНД для расiйскиiх турыстаў летам 2017 года.