Мабільная версія
ДЗЯРЖОРГАНЫ
Апошнія навіны
Усе навіны

Беларусь занепакоена незбалансаванасцю двухбаковага гандлю з Кітаем - Лукашэнка

Палітыка 18.04.2017 | 12:24

18 красавіка, Мінск /Міхаіл Маціеўскі - БЕЛТА/. Беларусь занепакоена незбалансаванасцю двухбаковага гандлю з Кітаем. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Пастаяннага камітэта Усекітайскага сходу народных прадстаўнікоў Чжан Дэцзянам, перадае карэспандэнт БЕЛТА.

"Мяне вельмі непакоіць - і вы, напэўна, гэта заўважылі - незбалансаванасць нашага двухбаковага гандлю. Вельмі прасіў бы вас удзяліць сур'ёзную, пільную ўвагу гэтаму пытанню як у рамках работы беларуска-кітайскага міжурадавага камітэта па супрацоўніцтве, так і на ўзроўні кіраўнікоў урадаў дзвюх краін, парламентарыяў", - сказаў Аляксандр Лукашэнка.

Кіраўнік дзяржавы прапанаваў Чжан Дэцзяну дэталёва абмеркаваць развіццё беларуска-кітайскага супрацоўніцтва ў галіне эканомікі, у тым ліку ў гандлёвай, інвестыцыйнай і фінансавай сферах. У прыватнасці, размова ішла аб прыцягненні інвестараў у Кітайска-беларускі індустрыяльны парк "Вялікі камень", узаемадзеянні ў банкаўскім сектары.

Аляксандр Лукашэнка дадаў, што кіраўніцтва Нацыянальнага сходу Беларусі павінна было абмеркаваць з кіраўніком кітайскага парламента некалькі канкрэтных пытанняў, якія маюць для Беларусі прынцыповае значэнне. "З іншага боку, яны будуць іміджавымі праектамі для Кітайскай Народнай Рэспублікі ў цэнтры Еўропы. Калі вы палічыце патрэбным нас падтрымаць, беларускі народ ніколі гэта не забудзе і будзе вам вельмі ўдзячны", - заявіў Прэзідэнт.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Мінск уваходзіць у топ-3 гарадоў СНД для падарожжаў Аналітычнае агенцтва "ТурСтат" склала рэйтынг самых папулярных гарадоў СНД для расiйскиiх турыстаў летам 2017 года.