Сцяг Аўторак, 19 сакавіка 2024
Усе навіны
Усе навіны
Палітыка
23 мая 2018, 12:30

Беларусь узмоцніць эканамічную прысутнасць у пакістанскай правінцыі Пенджаб

23 мая, Мінск /Уладзімір Мацвееў - БЕЛТА/. Беларусь узмоцніць сваю эканамічную прысутнасць у пакістанскай правінцыі Пенджаб. Аб гэтым БЕЛТА паведамілі ў пасольстве Беларусі ў Пакістане.

Пасол Беларусі ў Пакістане Андрэй Ермаловіч 23 мая правёў перагаворы з Малікам Тахірам Джавейдам, прэзідэнтам гандлёва-прамысловай палаты Лахора - сталіцы буйнейшай у Пакістане правінцыі Пенджаб з насельніцтвам больш за 100 млн жыхароў. Бакі абмеркавалі стан і перспектывы супрацоўніцтва паміж Беларуссю і правінцыяй Пенджаб у гандлёва-эканамічнай і інвестыцыйнай сферах.

"З задавальненнем адзначаны рост паставак у пакістанскі рэгіён беларускай сельскагаспадарчай тэхнікі, дзіцячых прадуктаў харчавання, хімічных валокнаў і іншай прадукцыі. Пакістанскі бок падзяліўся планамі павелічэння продажаў на беларускі рынак тэкстыльнай прадукцыі, манга, цытрусавых", - расказалі ў дыппрадстаўніцтве.

Дасягнута дамоўленасць аб правядзенні ў Лахоры да канца года кантактна-кааперацыйнай біржы з удзелам дзелавых колаў абедзвюх краін з акцэнтам на машынабудаванні, сельскай гаспадарцы, лёгкай прамысловасці і фармацэўтыцы.-0-

Падпісвайцеся на нас у
Twitter
Топ-навіны
Свежыя навіны Беларусі