13 сакавіка, Мінск /Кар. БЕЛТА/. Беларусь разглядае Германію як ключавога партнёра ў Еўрапейскім рэгіёне. Аб гэтым заявіў 13 сакавіка міністр замежных спраў Беларусі Уладзімір Макей на перагаворах з дзяржаўным міністрам па еўрапейскіх справах МЗС Германіі Міхаэлем Ротам, перадае карэспандэнт БЕЛТА.
"Беларусь разглядае Германію ў якасці ключавога партнёра ў Еўрапейскім рэгіёне. Мы разумеем, што Беларусь займае не першае месца ў спісе інтарэсаў Германіі, але разам з тым упэўнены, што нашы краіны больш аб'ядноўвае, чым раз'ядноўвае", - сказаў Уладзімір Макей. Ён падкрэсліў, што Беларусь зацікаўлена ў развіцці адносін з Германіяй па самых розных напрамках.
У сваю чаргу Міхаэль Рот адзначыў, што яму прыемна знаходзіцца ў Беларусі і ён рады таму, што праграма яго візіту вельмі насычаная і дае магчымасць абмеркаваць развіццё адносін паміж дзвюма дзяржавамі на розных узроўнях.-0-
