7 верасня, Мінск /Кар. БЕЛТА/. Беларусь у бліжэйшы час не чакае сенсацыйнага прарыву ў перагаворах з ЕС па пагадненнях аб спрашчэнні візавага рэжыму і рэадмісіі, паведаміў сёння журналістам намеснік міністра замежных спраў Алег Краўчанка, перадае карэспандэнт БЕЛТА.
Перагаворы, паводле слоў намесніка міністра, прадаўжаюцца. "Гэта тэхнічны працэс, у якім цяпер чакаць нейкіх сенсацыйных прарываў я не стаў бы", - сказаў ён.
"Час ідзе на тое, каб узгадніць такія рэчы", - дадаў намеснік міністра.
Адказваючы на пытанне, ці чакае МЗС парафіравання гэтых дакументаў на саміце "Усходняга партнёрства," які пройдзе ў лістападзе ў Бруселі, Алег Краўчанка сказаў: "Не, не чакаем".-0-