Мабільная версія
ДЗЯРЖОРГАНЫ
Апошнія навіны
Усе навіны

Беларусь можа разлічваць на супрацоўніцтва і падтрымку Сербіі па ўсіх вектарах - Вучыч

Палітыка 19.04.2017 | 18:37
У час сустрэчы
У час сустрэчы

19 красавіка, Бялград /Аліна Грышкевіч - БЕЛТА/. Беларусь можа разлічваць на супрацоўніцтва і падтрымку Сербіі па ўсіх вектарах. Аб гэтым заявіў прэм'ер-міністр Сербіі Аляксандр Вучыч 19 красавіка ў Бялградзе на сустрэчы з беларускай дэлегацыяй на чале з міністрам антыманапольнага рэгулявання і гандлю Уладзімірам Калтовічам, што ўдзельнічае ў дзясятым пасяджэнні міжурадавай беларуска-сербскай камісіі па гандлёва-эканамічным супрацоўніцтве, перадае карэспандэнт БЕЛТА.

Аляксандр Вучыч, вітаючы беларускую дэлегацыю, звярнуў увагу на важнасць вынікаў свайго візіту ў Мінск у студзені бягучага года. Ён падкрэсліў, што ў час перагавораў з Прэзідэнтам Беларусі Аляксандрам Лукашэнкам было дасягнута разуменне па ўсіх абмеркаваных пытаннях.

Беларусь і Сербія добра разумеюць адзін аднаго ў палітыцы і эканоміцы, маюць добрыя перспектывы паглыблення двухбаковых і шматбаковых кантактаў, падкрэсліў Аляксандр Вучыч. Ён таксама назваў важным той факт, што Беларусь і Сербія маюць у многім падобныя пазіцыі па міжнародных пытаннях.

Прэм'ер-міністр Сербіі лічыць істотнымі вынікі праведзеных дзясятага пасяджэння міжурадавай беларуска-сербскай камісіі па гандлёва-эканамічным супрацоўніцтве, а таксама дзявятага пасяджэння дзелавога савета па супрацоўніцтве паміж ГПП дзвюх краін. Кіраўнік урада запэўніў, што і ў далейшым Сербія будзе развіваць актыўнае ўзаемадзеянне з Беларуссю.

У сваю чаргу Уладзімір Калтовіч расказаў аб выніках беларуска-сербскіх перагавораў у Бялградзе і адзначыў вялікую цікавасць прадстаўнікоў бізнесу Сербіі да развіцця кантактаў з беларускімі партнёрамі. Акрамя таго, ён праінфармаваў аб двухбаковых дамоўленасцях па выніках пасяджэння беларуска-сербскай рабочай групы па супрацоўніцтве ў галіне сельскай гаспадаркі.

Кіраўнік беларускай дэлегацыі выказаў упэўненасць, што Аляксандр Вучыч, які выбраны новым прэзідэнтам Сербіі, і ў далейшым будзе садзейнічаць развіццю беларуска-сербскага супрацоўніцтва.

У сустрэчы ва ўрадзе Сербіі прынялі ўдзел намеснік міністра замежных спраў Беларусі Алег Краўчанка, Надзвычайны і Паўнамоцны Пасол Беларусі ў Сербіі Уладзімір Чушаў, ганаровы консул Беларусі ў Сербіі Драгамір Карыч, прадстаўнікі Міністэрства сельскай гаспадаркі і харчавання, Міністэрства спорту і турызму, МЗС.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэпазіты на сямейны капітал Стаўка па дэпазіце "Сямейны капітал" на 2017 год складае 1,7 працэнта гадавых. Выкарыстаць грошы можна толькі пасля дасягнення дзіцем 18 гадоў, за выключэннем трат на медыцынскія паслугі.