Мабільная версія
ДЗЯРЖОРГАНЫ
Апошнія навіны
Усе навіны

Беларусь і Узбекістан зацікаўлены ва ўзаемнай падтрымцы на міжнародных парламенцкіх пляцоўках

Палітыка 12.06.2018 | 18:26
У час сустрэчы
У час сустрэчы

12 чэрвеня, Мінск /Кар. БЕЛТА/. Беларусь і Узбекістан зацікаўлены ва ўзаемнай падтрымцы на міжнародных парламенцкіх пляцоўках. Аб гэтым сёння ішла размова на сустрэчы старшыні Палаты прадстаўнікоў Уладзіміра Андрэйчанкі з парламенцкай дэлегацыяй Узбекістана на чале са старшынёй Сената Олій Мажліса Нігмацілой Юлдашавым, перадае карэспандэнт БЕЛТА.

Уладзімір Андрэйчанка перакананы, што ў парламентах дзвюх краін неабходна стварыць групы дружбы, а ў далейшым намеціць план мерапрыемстваў па развіцці ўзаемадзеяння. У ліку перспектыўных напрамкаў спікер назваў узаемадзеянне ў міжнародных арганізацыях.

Ён нагадаў, што ў ліпені ў Берліне пройдзе чарговая сесія ПА АБСЕ. Беларуская дэлегацыя падрыхтавала для яе рэзалюцыю па лічбавай эканоміцы. Сёння за ўключэнне гэтага дакумента ў парадак дня сесіі выказаліся ўжо 18 дзяржаў, у тым ліку Вялікабрытанія, Германія, Швейцарыя. Уладзімір Андрэйчанка выказаў надзею, што яго падтрымае і Узбекістан. Ён таксама запрасіў узбекістанскіх парламентарыяў на канферэнцыю Групы падтрымкі Шаўковага шляху ПА АБСЕ, якая пройдзе ў Мінску ў маі 2019 года.

Нігмаціла Юлдашаў адзначыў, што менавіта міжпарламенцкія кантакты прызначаны надаць належную глыбіню ўзаемадзеянню дзвюх краін, садзейнічаць фарміраванню нарматыўнай прававой базы. Парламентарыі Узбекістана падтрымліваюць ідэю выпрацоўкі праграмы па развіцці ўзаемадзеяння з беларускімі калегамі. Узбекістанскі бок зацікаўлены ў вывучэнні работы Нацыянальнага сходу і ў сваю чаргу таксама разлічвае на яго падтрымку ў міжнародных парламенцкіх арганізацыях, сказаў старшыня Сената Олій Мажліса.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка змянення стаўкі рэфінансавання НБ РБ Нацыянальны банк зніжае стаўку рэфінансавання ў Беларусі з 27 чэрвеня на 0,5 працэнтнага пункта да 10% гадавых. Апошні раз стаўка рэфінансавання змянялася 14 лютага 2018 года.