22 лютага, Масква /Эдуард Півавар - БЕЛТА/. Беларусь і Расія павінны падысці да 25-годдзя ўстанаўлення дыпадносін з рэальнымі справамі. Аб гэтым заявіў міністр замежных спраў Беларусі Уладзімір Макей, сустракаючыся 21 лютага ў Маскве з кіраўніком расійскага знешнепалітычнага ведамства Сяргеем Лаўровым, перадае карэспандэнт БЕЛТА.
Уладзімір Макей адзначыў, што цяперашняя сустрэча дае магчымасць абмеркаваць як двухбаковыя адносіны, так і ўзаемадзеянне на міжнародных пляцоўках.
"Гэта добрая магчымасць абмеркаваць шэраг актуальных пытанняў двухбаковага і шматбаковага супрацоўніцтва, каб мы да 25-годдзя ўстанаўлення дыпадносін паміж Беларуссю і Расіяй падышлі з нейкімі заваяваннямі", - сказаў міністр замежных спраў Беларусі.-0-
