Сцяг Чацвер, 28 сакавіка 2024
Усе навіны
Усе навіны
Палітыка
05 кастрычніка 2018, 11:49

Беларусь і ПАР зацікаўлены нарошчваць міжпарламенцкае і гандлёвае ўзаемадзеянне

5 кастрычніка, Мінск /Кар. БЕЛТА/. Беларусь і ПАР маюць патэнцыял для нарошчвання міжпарламенцкага ўзаемадзеяння, гандлёва-эканамічнага і гуманітарнага супрацоўніцтва. Размова аб гэтым ішла на сустрэчы намесніка старшыні Савета Рэспублікі Мар'яны Шчоткінай з Надзвычайным і Паўнамоцным Паслом ПАР у Расіі і Беларусі (па сумяшчальніцтве) Намасонта Марыяй Сібанда-Тусі, паведамілі БЕЛТА ў прэс-службе верхняй палаты беларускага парламента.

Мар'яна Шчоткіна адзначыла, што адносіны з Паўднёва-Афрыканскай Рэспублікай знаходзяцца ў ліку прыярытэтаў знешняй палітыкі Беларусі на кантыненце. "Краіны маюць усё неабходнае для значнага нарошчвання ўзаемнага гандлю, развіцця прамысловай і сельскагаспадарчай кааперацыі", - упэўнена віцэ-спікер. Яна падкрэсліла, што Беларусь гатова дзяліцца тэхналогіямі і забяспечыць стварэнне ў ПАР сумесных машынабудаўнічых прадпрыемстваў.

Намасонта Марыя Сібанда-Тусі ў сваю чаргу выказала зацікаўленасць у развіцці міжрэгіянальнага супрацоўніцтва, абмене вопытам у сельскай гаспадарцы і машынабудаванні. "Трэба развіваць партнёрства. ПАР можа шмат чаму навучыцца ў Беларусі", - лічыць яна.

Акрамя таго, на сустрэчы абмяркоўваліся пытанні гендарнага парытэту, ролі жаночых арганізацый у пашырэнні правоў і магчымасцей жанчын дзвюх краін. Мар'яна Шчоткіна азнаёміла пасла з дзейнасцю Беларускага саюза жанчын, старшынёй якога з'яўляецца. Яна звярнула ўвагу, што жаночая дыпламатыя служыць добрым інструментам для вырашэння розных пытанняў, абмену вопытам. Бакі выказалі гатоўнасць наладзіць супрацоўніцтва паміж жаночымі арганізацыямі Беларусі і ПАР.-0-

Падпісвайцеся на нас у
Twitter
Топ-навіны
Свежыя навіны Беларусі