Сцяг Чацвер, 28 сакавіка 2024
Усе навіны
Усе навіны
Палітыка
28 чэрвеня 2016, 15:19

Беларусь і Новая Зеландыя маюць намер інтэнсіфікаваць палітычны дыялог

28 чэрвеня, Масква /Эдуард Півавар - БЕЛТА/. Сустрэча Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Новай Зеландыі ў РФ Іэнам Аляксандрам Хілам адбылася сёння ў Маскве, паведамілі БЕЛТА ў прэс-службе беларускага дыппрадстаўніцтва.

"У ходзе зацікаўленага абмену думкамі па найбольш актуальных пытаннях развіцця двухбаковых адносін бакі прадметна абмеркавалі магчымасці інтэнсіфікацыі палітычнага дыялогу за кошт пашырэння практыкі абмену візітамі на розным узроўні і далейшага паглыблення супрацоўніцтва паміж міністэрствамі замежных спраў", - адзначылі ў прэс-службе.

Асаблівая ўвага была ўдзелена ўзаемадзеянню ў рамках міжнародных арганізацый і актывізацыі гандлёва-эканамічнага і інвестыцыйнага ўзаемадзеяння.

Дыпламатычныя адносіны паміж Беларуссю і Новай Зеландыяй устаноўлены 9 красавіка 1992 года. Аб'ём двухбаковага тавараабароту па выніках 2015 года склаў больш як $25 млн. Беларускі бок узгадніў кандыдатуру Іэна Аляксандра Хіла на назначэнне на пасаду Надзвычайнага і Паўнамоцнага Пасла Новай Зеландыі ў Беларусі па сумяшчальніцтве. Пасол Беларусі ў Аўстраліі Віктар Шых акрэдытаваны ў Новай Зеландыі па сумяшчальніцтве з 15 красавіка 2015 года.-0-

Падпісвайцеся на нас у
Twitter
Топ-навіны
Свежыя навіны Беларусі