1 снежня, Сочы /Кар. БЕЛТА/. Беларусь і Манголія павінны актывізаваць супрацоўніцтва. Аб гэтым заявіў сёння прэм'ер-міністр Беларусі Андрэй Кабякоў на сустрэчы з намеснікам прэм'ер-міністра Манголіі Улзійсайханам Энхтуўшыным, перадае карэспандэнт БЕЛТА.
Андрэй Кабякоў канстатаваў, што за 25 гадоў, якія мінулі з моманту ўстанаўлення дыпламатычных адносін паміж Беларуссю і Манголіяй, бакамі створана добрая база для плённых кантактаў. Так, развіваецца ўзаемадзеянне ў сферы сельскай гаспадаркі, адукацыі, навукова-тэхнічнай галіне, прапрацоўваецца культурны абмен. У Манголіі добра вядомы беларускія брэнды - БелАЗ, МТЗ і іншыя.
"Настаў перыяд, калі мы можам і павінны актывізаваць супрацоўніцтва", - лічыць кіраўнік беларускага ўрада.
Улзійсайхан Энхтуўшын у сваю чаргу пацвердзіў нацэленасць Манголіі на развіццё адносін з Беларуссю. Для гэтага ёсць гістарычная аснова, падкрэсліў ён.-0-
