18 студзеня, Масква /Эдуард Півавар - БЕЛТА/. Беларусь і Лаос маюць намер развіваць дагаворна-прававую базу двухбаковых адносін. Аб гэтым БЕЛТА паведамілі ў прэс-службе беларускага пасольства ў Расіі па выніках праведзенай сёння сустрэчы пасла Беларусі ў РФ Ігара Петрышэнкі з паслом Лаоса ў Беларусі па сумяшчальніцтве Сівіенгпхетам Пхетварсакам.
"Бакі абмеркавалі стан і перспектывы развіцця беларуска-лаоскага супрацоўніцтва, - адзначылі ў дыппрадстаўніцтве. - Асаблівая ўвага была ўдзелена пытанням развіцця дагаворна-прававой базы двухбаковых адносін".
Дыпламатычныя адносіны паміж Беларуссю і Лаосам устаноўлены 7 лютага 1994 года.-0-