5 верасня, Мінск /Кар. БЕЛТА/. Міністр замежных спраў Беларусі Уладзімір Макей і віцэ-прэм'ер-міністр - міністр замежных спраў Грузіі Міхеіл Джанелідзэ ў час сустрэчы ў Мінску пацвердзілі дружалюбны характар двухбаковых адносін і іх нацэленасць на далейшае развіццё. Аб гэтым БЕЛТА паведамілі ў прэс-службе беларускага знешнепалітычнага ведамства.
"Бакі яшчэ раз пацвердзілі дружалюбны характар двухбаковых адносін, нацэленасць на іх далейшае развіццё і пашырэнне спектра ўзаемадзеяння", - расказалі ў МЗС.
У час сустрэчы бакі падвялі вынікі праведзеных перагавораў, абмеркавалі меры па нарошчванні двухбаковага супрацоўніцтва ў палітычнай і гандлёва-эканамічнай сферах і разгледзелі канкрэтныя крокі па імплементацыі сумесных праектаў, аб якіх ішла размова ў час візіту Міхеіла Джанелідзэ ў Беларусь.
"Віцэ-прэм'ер-міністр - міністр замежных спраў Грузіі падзякаваў беларускаму боку за цёплы прыём і насычаную праграму знаходжання грузінскай дэлегацыі ў Беларусі, высока ацаніў перспектывы двухбаковага супрацоўніцтва на падставе праведзеных у Мінску сустрэчы і перагавораў", - дадалі ў прэс-службе.-0-
