20 красавіка, Мінск /Кар. БЕЛТА/. Міністэрствы замежных спраў Беларусі і Эстоніі сёння на кансультацыях у Мінску разгледзелі ўвесь спектр пытанняў двухбаковага ўзаемадзеяння ў палітычнай і гандлёва-эканамічнай сферах. Такая інфармацыя размешчана на сайце МЗС Беларусі, паведамляе БЕЛТА.
Таксама абмяркоўвалася развіццё дыялогу па лініі Беларусь - ЕС і праблематыка "Усходняга партнёрства".
Беларускую дэлегацыю ўзначаліў намеснік міністра замежных спраў Яўген Шэстакоў, эстонскую - генеральны дырэктар палітычнага ўпраўлення, в.а. віцэ-канцлера па палітычных пытаннях МЗС Паўль Цеэсалу.
Кіраўніка эстонскай дэлегацыі таксама прыняў міністр замежных спраў Беларусі Уладзімір Макей.-0-