12 верасня, Мінск /Кар. БЕЛТА/. Ацэначная місія БДІПЧ АБСЕ рэкамендавала арганізацыі накіраваць на парламенцкія выбары ў Беларусь 30 доўгатэрміновых і 400 кароткатэрміновых наглядальнікаў. Аб гэтым сёння ў Нацыянальным прэс-цэнтры паведаміла старшыня ЦВК Лідзія Ярмошына, перадае карэспандэнт БЕЛТА.
У жніўні ў Беларусі працавала місія па ацэнцы патрэбнасцей Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе. "Яны нам прыслалі сваю справаздачу, у якой пазначылі, што місія па ацэнцы рэкамендуюць БДІПЧ АБСЕ накіраваць місію ў колькасці 30 доўгатэрміновых і 400 кароткатэрміновых наглядальнікаў", - праінфамавала Лідзія Ярмошына.
"Калі яны прыедуць, пакуль паведамлення не было", - дадала яна.
З ліку міжнародных наглядальнікаў акрэдытацыю атрымалі 30 чалавек ад СНД.
У цэлым выбарчая кампанія праходзіць з шырокім назіраннем за выбарамі. ЦВК акрэдытавала сем наглядальнікаў ад партый і грамадскіх аб'яднанняў, тэрытарыяльныя і акруговыя камісіі - 261 наглядальніка.-0-