30 чэрвеня, Мінск /Кар. БЕЛТА/. Работу міжнародных наглядальнікаў трэба арганізаваць так, каб сусветная супольнасць змагла наглядна пераканацца ў дэмакратычнасці маючых адбыцца парламенцкіх выбараў, заявіў сёння старшыня Палаты прадстаўнікоў Нацыянальнага сходу Беларусі Уладзімір Андрэйчанка на закрыцці дзявятай сесіі пятага склікання, перадае карэспандэнт БЕЛТА.
"Краіна ўступае ў вельмі адказны перыяд. Наперадзе ў нас кампанія па выбарах у парламент. На выбарах будзе працаваць вялікая колькасць міжнародных наглядальнікаў, - сказаў Уладзімір Андрэйчанка. - Трэба дапамагчы арганізаваць іх работу так, каб сусветная супольнасць змагла наглядна пераканацца, што выбары ў нас праходзяць спакойна, адкрыта і дэмакратычна, у адпаведнасці з нацыянальным заканадаўствам і міжнароднымі стандартамі".
Ён таксама нагадаў, што Палата прадстаўнікоў запрасіла калег з Парламенцкага сходу Саюза Беларусі і Расіі, Міжпарламенцкай асамблеі СНД, парламенцкіх асамблей АБСЕ, АДКБ, ПАСЕ да назірання за выбарамі.
"Упэўнены, што новы склад дэпутацкага корпуса забяспечыць пераемнасць курсу на стварэнне моцнай і квітнеючай Беларусі", - заявіў Уладзімір Андрэйчанка.-0-
