Мабільная версія
ДЗЯРЖОРГАНЫ
Апошнія навіны
Усе навіны

Андрэйчанка адзначыў пазітыўныя тэндэнцыі ў развіцці дыялогу Беларусі і ПАСЕ

Палітыка 20.12.2017 | 15:51
Уладзімір Андрэйчанка
Уладзімір Андрэйчанка

20 снежня, Мінск /Кар. БЕЛТА/. Пазітыўныя тэндэнцыі намеціліся ў развіцці дыялогу Беларусі і Парламенцкай асамблеі Савета Еўропы. Аб гэтым заявіў сёння спікер Уладзімір Андрэйчанка на закрыцці трэцяй сесіі Палаты прадстаўнікоў шостага склікання, перадае карэспандэнт БЕЛТА.

Як адзначыў Уладзімір Андрэйчанка, пазітыўныя тэндэнцыі намеціліся ў развіцці дыялогу з ПАСЕ. "Са студзеня наступнага года наша дэлегацыя зможа ўдзельнічаць у абмеркаванні ўсіх пытанняў, якія разглядаюцца на пасяджэннях палітычнай камісіі гэтай арганізацыі", - сказаў ён.

На думку спікера, перад парламентарыямі стаіць задача скарыстацца гэтымі магчымасцямі для растлумачэння пазіцый краіны па прынцыповых пытаннях і пашырэння беларускіх ініцыятыў, якія садзейнічаюць захаванню стабільнасці, бяспекі і супрацоўніцтва ў свеце.

У гэтым жа ключы трэба працаваць і ў рамках Міжпарламенцкай асамблеі дзяржаў - удзельніц СНД і Парламенцкай асамблеі АДКБ, лічыць старшыня Палаты прадстаўнікоў. На першы план тут выходзяць такія актуальныя, звязаныя непасрэдна з абаронай суверэнітэту тэмы, як кібербяспека і гібрыдныя войны. "Беларускім парламентарыям ёсць што прапанаваць сваім калегам у гэтай галіне", - адзначыў ён.

Гаворачы аб рабоце па паглыбленні беларуска-расійскай інтэграцыі, Уладзімір Андрэйчанка адзначыў, што гэтымі днямі ў Бранску прайшла 53-я сесія Парламенцкага сходу Саюза Беларусі і Расіі. Яе вынікам стала прыняцце праекта саюзнага бюджэту на 2018 год, а таксама дакумента, які вызначае стратэгію развіцця Саюзнай дзяржавы на чарговае пяцігоддзе. "Вопыт першых беларуска-расійскіх парламенцкіх слуханняў, прысвечаных гарманізацыі заканадаўстваў у сферы забеспячэння роўных правоў грамадзян, паказвае, што ў нас у гэтым плане яшчэ шмат нявыкарыстаных рэзерваў", - сказаў спікер.

Ён таксама звярнуў увагу, што ў наступным паўгоддзі Беларусь прадоўжыць актыўна працаваць у фармаце міжнародных парламенцкіх арганізацый. У прыватнасці, дэпутаты прымуць удзел у зімовым пасяджэнні Парламенцкай асамблеі АБСЕ, мерапрыемствах Міжпарламенцкага саюза, Парламенцкай асамблеі Савета Еўропы, Міжпарламенцкай асамблеі праваслаўя, Парламенцкай асамблеі Чарнаморскага эканамічнага супрацоўніцтва і інш.

Акрамя таго, беларускія парламентарыі па традыцыі будуць накіраваны ў склады міжнародных місій па назіранні за ходам выбарчых кампаній у краінах СНД.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Павышэнне пенсій у Беларусі Праект указа аб павышэнні пенсій унесены на разгляд у Адміністрацыю Прэзідэнта. Прапануецца павышэнне пенсій на 5,3% з 1 лістапада.