Сумесны выставачны праект да 100-годдзя Узброеных Сіл Беларусі "Айчыне служым!" падрыхтавалі Нацыянальны мастацкі музей і Дзяржаўны музей ваеннай гісторыі. Прэзентацыя праекта адбылася 19 лютага. Нараўне з пастаяннай экспазіцыяй "Беларускае мастацтва 1940-1960-х гадоў" дэманструюцца творы жывапісу і графікі класікаў айчыннага мастацтва з фондаў Нацыянальнага мастацкага музея, прысвечаныя ваенным і мірным будням беларускай арміі. Выстаўка прадоўжыцца да 15 мая.
На здымку: ветэран Вялікай Айчыннай вайны капітан трэцяга рангу ў адстаўцы Уладзімір Парабковіч у час выступлення.
