7 ліпеня ў Віцебску прайшлі ўрачыстасці, прысвечаныя дню нараджэння Марка Шагала. На тэрыторыі дома-музея мастака адбылася прэзентацыя выстаўкі па выніках IV Міжнароднага Шагалаўскага пленэру, затым - ускладанне кветак да помніка майстра, а таксама свята "У гасцях у Марка і Бэлы". Своеасаблівым падарункам мастаку стала ружа "Марк Шагал", якая расцвіла на тэрыторыі музея ў гэтыя дні.
Арганізатарамі мерапрыемства выступілі аддзел культуры Віцебскага гарвыканкама і Музей Марка Шагала ў Віцебску.
На здымку: на выстаўцы ўдзельнікі IV Міжнароднага Шагалаўскага пленэру.
