На культурныя праекты ў 2017 годзе дзяржарганізацыям аказана спонсарская дапамога на Br6,4 млн. Аб гэтым паведаміў 24 красавіка на цырымоніі ўшаноўвання мецэнатаў міністр культуры Беларусі Юрый Бондар.
Цырымонія ўшаноўвання ўдзельнікаў рэспубліканскай акцыі "Мецэнат культуры Беларусі" прайшла ў Палацы Рэспублікі. Ганаровых дыпломаў удастоены кіраўнікі і прадстаўнікі арганізацый рознай формы ўласнасці, якія на працягу мінулага года аказвалі спонсарскую дапамогу арганізацыям культуры краіны.
На здымку: ААТ "Белгазпрамбанк" узнагароджваецца ў намінацыі "За ўклад у развіццё і папулярызацыю беларускай культуры".
