У Рэчыцкай раённай гімназіі функцыянуе ваенна-патрыятычны цэнтр спецпадрыхтоўкі дапрызыўнай моладзі "Скіф". Тут хлопцы з Рэчыцкага і іншых раёнаў вобласці праходзяць паветрана-дэсантную, агнявую, тактыка-спецыяльную падрыхтоўку, рукапашны бой, азы вадалазнай падрыхтоўкі.
Кіруе цэнтрам былы дэсантнік Уладзімір Габроў, а сярод яго выхаванцаў - самы юны парашутыст Беларусі Цімафей Ніслоўскі, які марыць служыць у спецназе. У 8 гадоў ён зрабіў скачок з парашутам у тандэме з вышыні 2,9 тыс. м.
У гімназіі створаны і функцыянуе музей гісторыі ВДВ і падраздзяленняў спецназначэння імя В.П.Маргелава.
На здымку: выхаванец цэнтра "Скіф" старшакласнік Глеб Лазарэнка.
