Сустрэча Прэзідэнтаў Беларусі і Украіны Аляксандра Лукашэнкі і Пятра Парашэнкі праходзіць у Кіеве. Мерапрыемства пачалося з цырымоніі афіцыйнай сустрэчы Прэзідэнта Беларусі з удзелам ваеннаслужачых роты ганаровай варты. Пасля выканання гімнаў дзвюх краін і прывітання членаў дэлегацый кіраўнікі дзяржаў накіраваліся ў будынак Адміністрацыі Прэзідэнта Украіны, дзе правядуць перагаворы ў фармаце сам-насам. Прэзідэнты абмяркуюць шырокі спектр пытанняў развіцця беларуска-ўкраінскага супрацоўніцтва.