Полацк 14 жніўня на адзін дзень ператварыўся ў мядовую сталіцу. На алеі па праспекце Францыска Скарыны разгарнулася вялікае свята мёду.
Пчаляры абсталявалі падворкі і тэматычныя пляцоўкі на алеі. Яны не толькі радавалі гасцей разнастайнасцю прадукцыі, але і самі ўдзельнічалі ў конкурсах: на самы яркі падворак і тэматычную пляцоўку, самае мядовае меню і арыгінальны касцюм "Паласаты настрой".
Арганізатарам свята выступіў Полацкі райвыканкам.
На здымку: пчаляры Настасся і Яўген Волкавы з Полацкага раёна.