Румын Марчэл Рошка стаў уладальнікам Гран-пры XXVII Міжнароднага конкурсу выканаўцаў эстраднай песні "Віцебск-2018". Лаўрэатам першай прэміі стаў казахстанец Амрэ. Украінка Міла Ніціч удастоена другой прэміі. Трэцюю прэмію падзялілі беларус Яўген Курчыч і Сільвія з Польшчы.
Уладальнікамі спецыяльнай прэміі Парламенцкага сходу Саюза Беларусі і Расіі сталі Яўген Курчыч і Настасся Карабешкіна. І гэта ж таленавітая расіянка атрымала спецпрыз Прэзідэнта Беларусі "Славянская надзея". Адзначана і яркая кубінская выканаўца Рэбека Эмбіль, якая ўдастоена спецпрэміі імя Уладзіміра Мулявіна "За лепшае ўвасабленне нацыянальнай тэмы, высокае выканальніцкае майстэрства".
На здымку: Марчэл Рошка.