Каля 10 тыс. т рапсавага алею плануюць атрымаць на Гомельскім тлушчавым камбінаце. У 2017 ураджай алейнага семя рапсу ў гаспадарках Гомельскай вобласці склаў 54,6 тыс. т. Каля 30 тыс. т аграрыі рэгіёна паставілі Гомельскаму тлушчаваму камбінату.
Перапрацоўка алейнага семя пачынаецца на Прыпяцкім вытворчым участку ў Мазырскім раёне. За суткі ў цэху могуць перапрацаваць да 140 т, на выхадзе атрымліваецца каля 50 т сырога рапсавага алею, які ў спецыяльных цыстэрнах адпраўляецца для далейшай перапрацоўкі ўжо ў цэхі камбіната, размешчаныя ў Гомелі.
На здымку: ёмістасці для захоўвання алейнага семя рапсу на тэрыторыі Прыпяцкага вытворчага ўчастка ў Мазырскім раёне.
