36-гадовы італьянец Алесандра Поца ажыццяўляе мотапрабег па Еўропе для збору сродкаў у дапамогу дзецям Чарнобыля на мотаролеры "Веспа" 1962 года выпуску. Яго шлях працягласцю 8,6 тыс. км пралёг праз 15 еўрапейскіх краін з італьянскай Пармы ў беларускі Гомель. Каб укласціся ў графік, Алесандра даводзілася штодзень быць у дарозе па 12-15 гадзін. Сабраныя сродкі будуць перададзены дабрачыннай італьянскай арганізацыі Help for Children Parma, а потым будуць накіраваны ў сельскія школы, бальніцы і спецыялізаваныя ўстановы, якія працуюць з дзецьмі з чарнобыльскіх зон.
На здымку: італьянскі падарожнік Алесандра Поца.
