Спецыялісты і эксперты з Беларусі, Расіі, Украіны, Літвы і Польшчы 30 верасня прынялі ўдзел у навукова-практычнай канферэнцыі, прысвечанай пытанням захавання і рэстаўрацыі ўнікальнай Каложскай царквы. У Гродна прыехалі, у прыватнасці, прадстаўнікі Дзяржаўнага Эрмітажа, вопытныя рэстаўратары з Украіны, прадстаўнікі міністэрстваў культуры, ВНУ, грамадскіх арганізацый. Некаторыя з іх прадставілі сваё бачанне па пытаннях рэстаўрацыі і захавання помніка, некаторыя пакуль толькі бліжэй знаёміліся з унікальным помнікам.
На здымку: Каложская царква.
