Дар'я Домрачава заняла другое месца ў спрынце на восьмым этапе Кубка свету па біятлоне, які стартаваў 15 сакавіка ў нарвежскім Холменколене. Пераможцай стала Настасся Кузьміна са Славакіі, якая паказала высокую скорасць праходжання дыстанцыі і, нягледзячы на адзін промах, пераадолела 7,5 км за 21 мін. 31,8 сек. Беларуска Дар'я Домрачава без промахаў прайшла два агнявыя рубяжы і ўступіла лідару 8,9 сек. Бронзавым прызёрам у спрынце стала ўкраінка Юлія Джыма +29,2 сек. (0+0).
На здымку: Дар'я Домрачава, Настасся Кузьміна і Юлія Джыма
