Дубіца - самая маленькая станцыя на чыгунцы Брэсцкай вобласці і адзіная, уключаная ў Спіс гісторыка-культурных каштоўнасцей Беларусі. Пабудаваная ў царскі перыяд, у канцы XIX стагоддзя, яна цудам уцалела ў гады Вялікай Айчыннай вайны. За 120 гадоў станцыя амаль не змянілася. А з пачатку двухтысячных стала сапраўднай пляцоўкай для кіназдымак. У кадр Дубіца трапіла больш як у дзесяці кінастужках.
На здымку: чыгуначная станцыя Дубіца.
