Беларускія грацыі заваявалі сем узнагарод на этапе Кубка свету па мастацкай гімнастыцы ў Мінску, які завяршыўся 19 жніўня ў спарткомплексе Falcon club.
Найбольш высокага выніку дабілася лідар каманды Кацярына Галкіна, якая заваявала залаты медаль у індывідуальных практыкаваннях з абручом - 19,750 бала. Беларуска апярэдзіла Аляксандру Салдатаву з Расіі - 19,150 і ўкраінку Уладу Нікольчанка - 19,100. У актыве Кацярыны Галкінай таксама два бронзавыя медалі мінскага этапу Кубка свету ў індывідуальным мнагабор'і і ў практыкаваннях са стужкай.
Іншая прадстаўніца беларускай каманды Настасся Салас у практыкаваннях з мячом заваявала сярэбраную ўзнагароду, а з булавамі - бронзу.
На здымку: каманда Беларусі.
