Беларускія біятланісткі Надзея Скардзіна, Ірына Крыўко, Дзінара Алімбекава і Дар'я Домрачава перамаглі ў эстафетнай гонцы 4х6 км на Алімпійскіх гульнях у Пхёнчхане.
Пераможны час беларускіх біятланістак - 1 гадз 12 мін 03,4 сек (без штрафных кругоў, 9 дадатковых патронаў). Да таго ж Дар'я Домрачава прадэманстравала лепшы ход па дыстанцыі на сваім этапе.
Другое месца ў жаночай эстафеце занялі шведкі Лін Персан, Мона Брорсан, Анна Магнусан і Ханна Эберг (+10,7 сек; без промахаў, 12 дадатковых патронаў).
Трэцімі фінішавалі францужанкі Анаіс Шэвалье, Мары Дарэн-Абер, Жустын Брэзаз, Анаіс Бескон (+17,6 сек; 0+14).
На здымку: Надзея Скардзіна, Ірына Крыўко, Дзінара Алімбекава і Дар'я Домрачава.
