Асноўную падрыхтоўку беларускія атамшчыкі праходзяць ва ўласным вучэбна-трэніровачным цэнтры з поўнамаштабным трэнажорам на тэрыторыі БелАЭС. Тут арганізавана паўнацэнная тэматычная і практычная падрыхтоўка з адпрацоўкай розных пазаштатных сітуацый на АЭС. Акрамя таго, прадугледжаны стажыроўкі на дзеючых станцыях.
Усяго на атамнай станцыі будзе працаваць амаль 2,3 тыс. чалавек, з іх 1 680 - эксплуатацыйны персанал. Беларуская АЭС будуецца па тыпавым расійскім праекце АЭС-2006 новага пакалення "3+" паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020-м.
На здымку: турбінная зала БелАЭС.