Калядны аўтобус курсіраваў 15 студзеня па Гродне.
Гісторыя дабрачыннай акцыі налічвае амаль два дзясяткі гадоў. Юныя артысты з нядзельнай школы пад кіраўніцтвам настаяцельніцы Гродзенскага Свята-Раства-Багародзічнага жаночага праваслаўнага манастыра ігуменні Гаўрыілы наведваюць прадпрыемствы Гродна для збору падарункаў у падтрымку тых, хто мае патрэбу ў дапамозе.
Калядоўшчыкі з каляднай зоркай віншуюць работнікаў з Нараджэннем Хрыстовым. Сярод гасцей вешчуны і пераапранутыя - гэта не толькі дзеці з нядзельнай школы, але і прыхаджане манастыра.
Хутка падарункі, сабраныя калядоўшчыкамі ў горадзе, будуць перададзены хворым дзецям, шматдзетным сем'ям.
На здымку: кіраўнік Адміністрацыі Ленінскага раёна Гродна Іван Курман з калядоўшчыкамі.