Мабільная версія
ДЗЯРЖОРГАНЫ
Апошнія навіны
Усе навіны
Анатоль Ісачанка

Званне Чалавека года накладае дадатковую адказнасць

Меркаванні 18.04.2018 | 19:18
Анатоль Ісачанка Анатоль Ісачанка Старшыня Мінскага абласнога выканаўчага камітэта

Званне "Чалавек года Міншчыны" накладае дадатковую адказнасць на яго ўладальніка. Такое меркаванне выказаў журналістам старшыня Мінаблвыканкама Анатоль Ісачанка на ўрачыстай цырымоніі прысваення ганаровага звання "Чалавек года Міншчыны", якая прайшла сёння ў Маладзечне, перадае карэспандэнт БЕЛТА.

"Атрымаць званне "Чалавек года Міншчыны" - гэта вялікая гордасць і гонар і для самога пераможцы, і для яго родных, блізкіх. У той жа час накладае дадатковую адказнасць: цяпер трэба яшчэ больш працаваць і паляпшаць свае паказчыкі", - лічыць Анатоль Ісачанка.

Губернатар адзначыў, што ўсіх уладальнікаў звання "Чалавек года Міншчыны" аб'ядноўвае любоў да радзімы і да работы. "Гэтыя людзі - здабытак нашай краіны. Кожны з іх - асоба. Яны абсалютна розныя і ў той жа час адзіныя ў адным - у любові да сваёй малой радзімы, да сваёй вобласці, рэспублікі. Яны стараюцца, працуюць і па праву атрымліваюць такое званне", - сказаў губернатар. Каб атрымаць гэта званне, трэба любіць сваю справу, тое месца, дзе жывеш, любіць сваё асяроддзе і рабіць дабро. Тады людзі заўважаць і ацэняць.

Ганаровага звання "Чалавек года Міншчыны" за 2017 год удастоены 20 прадстаўнікоў цэнтральнага рэгіёна. Пераможцы атрымалі спецпрэмію ў памеры 100 базавых велічынь (1 БВ складае Br24,5), спецыяльныя дыпломы і кветкі.

Пераможцы абласнога конкурсу вызначаны ў трох намінацыях: "Вытворчая дзейнасць" (10 чалавек), "Невытворчая сфера" (6), "Грамадска-палітычная дзейнасць" (4). На гэты раз у ліку тых, хто ўдастоены ганаровага звання, генеральны дырэктар ААТ "БелАЗ" - кіруючая кампанія холдынга "БелАЗ-Холдынг" Пётр Пархомчык, дырэктар ТАА "Марк Фармэль" Андрэй Серыкаў, дырэктар Языльскай сярэдняй школы імя Героя Савецкага Саюза Г.А.Палаўчэні Старадарожскага раёна Мікалай Грузд, галоўны дырыжор заслужанага калектыву Беларусі "Музычная капэла "Санорус" Мінскай вобласці" Аляксандр Хумала, епіскап Слуцкі і Салігорскі Антоній.

Ганаровае званне "Чалавек года Міншчыны" прысуджваецца штогод на конкурснай аснове.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.